الــــشريــــــــــف

انا زعلان منك حيل وشايل لك بقلبي عتاب

واتمنى تحملني مثل مااتحمل عتابك

ترى بعض الصراحه جرح ونرفزه اعصاب

تعاهدنا انا وانت على انا نكون احباب

واحبابك هم احبابي واحبابي هم احبابك

وش اللي غيرك فجاه تكلم واذكر الاسباب

انا بسمع كلامك زين وباسمع اسبابك

رغم كل الخطا منك في وجهك ماقفلت الباب

ويوم اخطيت في حقك قفلت في وجهي ابوابك

رخصت الغالي لعيونك حنيت لخاطرك ارقاب

رضيت احنيها ارقابي ولاتحنيها ارقابك

كفايه تمتحني هم وخل من ذم فيني وعاب

ترى من عاب في غيرك ولو طال الزمن عابك

ولاتفكر في يوم انساك او يشغلني عنك غياب

انا اتنفسك واهواك وفيك اموت واحيابك

انا ماشوف احد غيرك جميل بفتنته جذاب

انا اعجابي فيك اعمى يفوق اعجاب اعجابك

انا مهمى قسى قلبي منك بكلمه احسه ذاب

انا من زود عشقي فيك عشقت العطر في ثيابك

انا ياليت مغرم فيك انا كلي في غرامك شاب

احسك جزء من روحي ولا اتحمل غيابك

ولاقد طاب لي جرحك ولو جرحي لذاته طاب

عجزت اقدر اشوف الدمع بل اطراف اهدابك

ولكن كل شي الا جزاه الصد بالترحاب

اذا صديت ترحابي ترى باصد ترحابك

ولاني مرتضي ذلي ولو الهواء غلاب

اذا كان ماترضى بي لا حشاء لايمكن ارضابك

ولاني اقدر اتحمل علشانك غرست الانياب

انا كلي غدى مجروح من غرست انيابك

تجافيني ولاهمك ولا تحسب لي اي حساب

وانا من زود عشقي لك اصونك واحسب حسابك

الا ياقوة الصدمه تجيني منك الاصواب

وانا كنت اقول الجرح اذاماصابني صابك

حقيقه اكتشفت انك سخيف بطبعك الكذاب

واني كنت لعبه سخيفه تشبه العابك

انا عيبي طيب وغبي وظني فيك والله خاب

ولاكنت اتوقع تجافي في يوم اصحابك

انا جيتك بطيب الطيب وفيك الطيب ابد ماجاب

ابي تعذرني ها القسوه لان الطيب ماجابك

هذي الابيات للي جرح قلبي وماكنت اتوقع يوم يجرحه ولا ودي يوم اتحسف عليه لانه ماعاد عليه حسافه

h-h-a555@hotmail.com

sultanelhob2009@hotmail.com