رئيسية المجموعات > مجموعة محبي مصطفى سيداحمد
معلومات المجموعة
 | مجموعة محبي مصطفى سيداحمد |
| عدد الأعضاء: : 48عضوا | |
| نوع المجموعة: عام | |
| تاريخ الأنشاء:2009-09-24 | |
| العنــوان: السودان | |
| الموقـع الألكتروني: لا يوجد | |
| البريـد الألكترونــي: meso1977@maktoob.com | |
| الفـئة: الترفيه والفنون | |
وصف المجموعة : |
منتدى مجموعة محبي مصطفى سيداحمد
(15)المنتدى من 1 - 15
| النوع | الموضوع | منشىء الموضوع | المشاهدات | التعليقات | أخر تعليق بواسطة |
 | التاريخ: 2009-11-20 | Nada Omer | 8 | 0 | لا أحد |
| التاريخ: 2009-11-04 | mahdi | 52 | 0 | لا أحد |
| التاريخ: 2009-11-01 | غـــــــــــــــــدار | 54 | 0 | لا أحد |
| التاريخ: 2009-10-31 | غـــــــــــــــــدار | 51 | 0 | لا أحد |
| التاريخ: 2009-10-29 | mahdi | 76 | 0 | لا أحد |
أعضاء مجموعة محبي مصطفى سيداحمد
(48)
كليبات مجموعة محبي مصطفى سيداحمد
لم يتم إضافة كليبات حتى الان
تعليقات مجموعة محبي مصطفى سيداحمد
 | أرسل بواسطة: فريد العماسيب في 2009/11/22 |
يديك الصحة والعافية والله ابداع وابداع آخر لك التحية وها المزيد من اغانى الراحل المقيم ابو السيد وترحم علية اللهم ارحمه بعددذرات الرمال آمين |
 | أرسل بواسطة: محمد الصالح الزيادي ؛؛؛؛؛ في 2009/11/14 |
النص الكامل لحلم إنسان
هردت لهاتي بالغنوات ... وقُتْ يبرد حشاك يا امي ومن التعب البلا صالح .. تفيقي .. تروقي ... تنجمِّي تسوي مكانسك المطرة .. تضوي البيت وتنحمي تمرقي صبوحة للجيران ... قدح فوق ايد وفي ايد أَلمْي يلاقوك شُفّع الكُتّاب نُضاف وظُراف بلا النّسْمي ويغنولِك ... يغنّولِك غناوي السّابْ وفي بيّوضة مافي سراب جبال كَجَبي وفيافي الكاب ... تميد بالخضرة منقسمي ولا غابار .. ولا هو سحاب .. وتنهجمي من الدّهشة وتحاحيهُن ... غناكُن نيي ... غُنا الوهمي ويهتفوا زي كلاب الحي .. على الأغراب حوافي الصّي وبيوضة البراسيم فيها مفروضة خدارا يراري شوف عيني على الأبوابْ قماريها وحواريها وطواريها بقت روضة .. بقت تشرب من الحامدابْ تشربي عافيي من إيديّ ... تدوي اليوية بي حشمي تسوّي السّي وتبتسمي تشوفي رهاب بُعُد نجمي واشوفو قريب قُرُب نضمي اشوف العالم التحتاني .. هيلا هوب وقف ناهضْ دكّ عمايد الفوقاني ... جوه الُّجب رمى العارضْ وفي السابو الدمار أفراق عريق الحب نبض قابضْ متل قبض الحروف في اسمي غناوينا القبيل رقراق علينا تصب برد قارضْ أَلُكْ طيناتا من دمّي .. وارمِّلها من عصب عشاق .. أنط تُلُّبْ واجيك عارضْ واجر نمي أدودي لهاتي بالغنوات ... عقب يبرد حشاك يا امي تسوي السي وتبتسمي تسمِّي الشعب وتعتصمي بحبل الشعب تتفرق ظلمةً فيها تتحرق .. صُرُمةً قالوا ليك قسمي أدودي لهاتي بالغنوات عقب يبرد حشاك يا امي تقلبي الكلمة بي الكلمي ضراعك يرمي ما يدمي تقيفي بعيد عن الشمات تكوني اقرب لي من اسمي واضمك بارتياح يا امي أحبك صاح وصاح حلمي ولاكي سعية للضباح ولا شمش الصباح حزمي ولا كتف السلاح سواح ولا نزف الجراح ألمي هيا انحزمي .. هيا انخلقي .. هيا انعتقي .. متين مو دايرة ري تسقي ولا في إيد النزيف نبقى ... ولا في إيد الخريف تبقي ولا الفيضان يبضِّع بِكْ .... ولا في القيفة تنهدمي ولا ان جات حاره تنهزمي ولا يغشى الغلب قلبك ولا تشقي ولا انت تخافي لا تدمي ضراعك يرمي ما يدمي فيا حزن البلد عوك كَرْ ويا سعد الولد ضَرْ ضَرْ ... مع النسمي ولي قيمة العمل عمي .. وافتحي ظلمتك للضي سِنِّي على النضال إيدي سوِّكي بالهتاف فمي شوارعك لي دويها علي اذا ما اخر العلاج الكي ... مراويدك حمر صمي مراويدك حمر يا امي بليلتي ولا ضبايح طي قليلتي ولا كُتُر سّمي وطني ولا ملي بطني سكاتي ولا الكلام الني سلام يا امي .. سلام يا امي .. سلام لا هكمي لا دكمي |
 | أرسل بواسطة: محمد الصالح الزيادي ؛؛؛؛؛ في 2009/11/14 |
السلام عليك يوم ولدت ويوم رحلت يا حلم التعابي ( مصطفي سيد احمد )وين ماشي يا نبض الرحيــــــــــــــــــــــــــــــــــــــــــــــــــــــــــــــــــــــــــــــــــــــــــق؛؛
الضو وجهجهة التساب/حميد ودَّاها فوق قُوز الرماد كان ظنُّو يوم يومين تلاتِة المُوية تنزِل والبحرْ يشرد شُراد يفضل تَرا يبراهُو بالسلُّوكة من ورا والعِيوش والخير يعم يرقد رقاد والناس تخُمْ خمّ السرور ، وماهُو البرا ناساً كُتار فاكرين كدِي يومين تلاتِة ، الحالة ترجع حالَتَا ويبنوا البيوت هُو وشفَّعوا وأم الوِلاد ينجمَّعوا ، ويسترجعوا الماضي وشتاتات السواد في صالَتَا شِيتاً ضحك شيتاً بِكِي ويبقى الخراب دا رهاب رِهابْ عِبرة وحكاوى بتنحكي بلدك مِتلْ كمِّين بلادْ بدت الدقون فيها الخَتَا نجَّس تراها المُتْرَفين كِترتْ مواعين الفسادْ وكان كلمة الإسلام غُتـَا جاتْ الَلَتْ الله وشالتا كان ظنُّو يوم يومين تلاتِة مشى السِبُوع والتاني جا والمُوية كلما ليك تزيد ويقلْ رجا قوز الرمادْ الكان قِريْب فات بعيد بقى ماب تخُوجْ قوز الرمادْ يا الضوْ فِضِلْ جزيرِة ضاربْ فيها مُوجْ وحصار حصارْ كيف النَجَا عاينْ البلد دي دمار دمار فيها إيش فِضِلْ لعبة قصب فِ إيدين طفلْ الحِيطة وكتينا الـتقـع تقع ألفِ وجعة على الضُلعْ دخانه يمرق في السما آهاتو تنزف في الأرِضْ بحر الصَبُرْ والاحتمال بيناتو ينقطَّع تُرعْ لا يلقى يربُط لا يحِلْ لا حولة يا الكتب الكراريس المكَرِّنِة في الشتِلْ التَخْتَة أقلام الرصاص كنَب المدارسْ كُور يلُوجْ باب الفَصِلْ كاسحبو موجْ لا قوَّة يا ورق الجرائد يا المصاحف والصحيحات المَجَخْسنة في الذِبلْ ورافعين دواليبن بعيد طابلين خَوازِيقُن طَبِلْ لا حولة حال ما بـتِـنـْقَبِلْ يا مسلمين وين لي تَسابْ عشرة وتَسابْ كم وأربعينْ دا يمِين خرابْ كمِّين سنة يا الضوْ مِنُو الفي الكون يصدِّق كان هِنا ليلة ذِكرْ حلقةْ مديح دارةْ غُنا هيصة ورقيصْ القرمصيصْ سيرة عريسْ وحلاةْ عروسُو محَنْنَة يا الضوْ مِنُو الفي الكونْ يصدِّق كان هِنا شُفَّعْ بيلعبوا جَمْ بَعَضْ دِيكْ لِفّتُنْ في الدِشِّي غَبْشِي مَشكَّنَة واللاَّ الشَتِلْ خايِفْ لها فارِدْ ضَفايرُو وحاضِنَا فِيقْ لا تضيقْ باتْ الفَرِيقْ بَهَجِي ومَتَمْسَحة بالمِي وين يا الضوْ نَقاقِير الهَنا ووِيننْ مشاوِير الفرحْ غَزَلْ البناتْ الهُودَنَة حَشْ البراسِيمْ العصُرْ الليلْ وَنَسْتُو الشيْطَنَة وعِندْ الفَجُرْ كمْ مِيضَنَة وهَذَرْ التلاميذ الصباح بِي جَمْ رواكِيبْ الحَلَبْ يا الضوْ بِيُوت الناسْ حياتا مَبشْتَنة الحِلّة كلَّها في البحَرْ كَسَر البحرْ ولاَّ انتَحَرْ قلبْ المياهْ واِنكبَّ قَبَلَكْ وحْدَكْ ضاضاك فِ بلدكْ شرَّدَكْ نَفَدتْ قوافلْ الأغنياء وجملك على الحصْحاصْ بَرَكْ مرتاح حمامُن في البروجْ وإنت أب حماماً طاشْ يلُوجْ لا سوَّى عشْ لا ركَّ رَكْ يا الدنيا كيف مِتْقلْبِنة تصحَى العصافير الودِيعة ، مع الصباحْ مِتْخلْقِنَة وشرْ الكلابْ مِتْمسْكِنة وين نْرَّتـا وهِوْهِيوَا وينْ الليلِة غابْ كلبْ الجَنائنْ زيُّو زيْ كُل الكلابْ كلبْ الغلابَة المُسْتَغلِّينْ العَبِيدْ الليلِة سِيدْ سيِّدْ مُهابْ كلبْ أبْ زَهانَة تَهِينُو هانة ، مِن المهانة تقولُّو تَكْ حُكْم اِنقلاباتْ التَسَابْ دوَّارَة دنيا فَرنْدَقسْ نِنْجارَى فيها سبقْ سبَقْ نخسرْ بعض في هِينْ ترابْ نتلاوَى عند فتحْ اللَبَقْ فاكرين برانا أهل العقابْ تارِي البحرْ عَوَّافِي عندُو معانا حَقْ يا الدنيا زيْ سكْرَة وتَفِكْ مِنْ راسُو فَكْ بعضْ المسافاتْ اِتْلَغَتْ الفارغِة طَنْبَجَـا والملانِة اِتفرَّغَتْ الدَنْدَهُوباتْ زيْ بعضَ شكل العِديدِى ورَصّها نَفس العَنَاقْريب نَفْسَهَا عَفَشَك دَة ،حَقْ غِيَرك تَشِك يَدَخل فى بَالك أَلفْ شَكْ مَا الحَالة اصلاً مِن بَعض حكم إنْقِلابات الَتَسَاب الدِنْيا كُلَهَا حِلّتك تَنْضُم مَعَ اَلَفِى آخْر الَبَلَد مِن غِيْر تَفُوتَا مِحِلّتك تَحْكِيْلُو قِصَة تَقِصّها إِنْ نَفَسُو فِيْهَا تَحِسّها إِنْ مَاها فِيْهَا تَحِسّها حَتَى الأحَاسيِس نَفَسَهَا مَا الَحَالَة كُلَهَا مِنْ بَعَضَ إِلا الَمَسَاخِيْت الَدِقُون خَتَوُهَا بين أَهَلَك قَرَضَ بالَدِيِن وبالَطِين بالَنَسَب بالَمَيكْرَفُونَات بالَخُطَبَ بالَبَنْطَلُونَات بالَرُتَبْ فرِّق تَسُد تَاخُدْ قَنَادِيلَك تَفُوت وإنْكَتَلُو فِى حِزْمَة قَصَب ويَوْم التّصُد تَلَقَى الَبِيُوت فِى أزْيَارَهَا بَانِى الَعَنْكَبُوت والَحِزْمِة شَاَهَد فِى التُّرَب حَرَسَك يِظَمْبِر مِنَهَا وفَرَسَك يكُد لا اسَيَادَهَا تَسَأل عَنَها ولا زُوْل يَرُد أرْخِيلِى اضَانِكَ يا بَلَدَ مَرّة اسَمَعِينِى مِن الَبَعِيد وإنْطَارَشِينِى وللابد فِى حَبْلى مَاتَت حلتِى مَاْت بيْتى مَاْتَت شتلتى لَكِنِى يُوم مَاَت إِتْولَدْ جُوَاَى الفَ إنْساَن جَدِيْد وانَا ذَاِتِى مِن ذَاتِى إِتْوَلدْ وَرَتْنِى مَلَتَى مِلّتى والمُوْية بَدَلت الوجُوه يا بَادِى مِن بيتَكَ تَتُوه تَضهَب ضِهِب لَوْ بَاَبُو مَافى أو العَتَبَ تَحَسِبْلو مِن قَوْز الرَمَاد أو بِيْت أمِيْر المُؤمنِين ِاللِسة حِيطُو تَسِوى رَبْ رَبْ در دَرَبْ والَدنْدَهُوب إنْدَكّ دَكْ هَرَسْ القَزازْ المُوية جازْ والجازْوَدَكْ بِينُو الدقِيقْ إتْلكَّ لكْ ضِلَفْ الدَواليب الكُبارْ عائماتْ خَشَبْ المُكْحَلِة الكُشتينة مِيزانْ الدهبْ ضُوقْ الغضَبْ ضُوقْ المَذلَّة الدُسْتـَبا الناس العُزازْ سِيدك دخرنالُو المطرْ أمَّا إنت يكفيك الرزازْ خدرّتَ تاني يجي الجَرادْ أقوى الحقيقة من المجازْ وهِنا المحكْ .. يا أرزقي يا نسلِ حمّالةْ الحطبْ يا مستفيدْ مِن بذَّةْ أطفالْ السوادْ الما نزلْ فوقُن ملكْ بالسُكرْ العيشْ السمادْ المُويَة أوْلى من العبادْ في ياتْ كتاب دين ياتْ حديثْ يا فاجِر الله بيسألكْ يا حَسرةْ الإتغشَّى فيك كَبَّر وراكْ جاهد جهادْ لامن هلـكْ يا حَسْرةْ الصدَّق صلاتكْ وموعظاتكْ في الفسادْ بان الشَرَكْ أيْواتَ ليك ايوا تلك أيْوَة أيْوَة يا بحرْ التسابْ ما أعدلكْ شُكراً جزيلاً يا بحرْ رغم الكَساد بحَّتْ لنا العَفَنْ المَكرِّنْ في الزمنْ من عهدِ عاد والضوْ وليداً ما قرا خرَّجتو منك باقتصاد قانون فلكْ جَفَّ المِداد ما أعدلكْ ما أعدلك ما أعدلكْ بالسكَّر العيشْ السماد المُوية أوْلَى من العباد يا شارعْ الثورة القصاد أهلي المسالمينْ البعادْ يا بندقيتو هِنا المحكْ ******* وقَبَّل على القِبلة ونَدَهْ قُبَّالْ يمد إيديه إنتَبَهْ حِسْ المطرْ بين الشدرْ والضوْ مع الفيها إنشَدَهْ بَرَّة المطرْ في الدَنْدَهُوبْ برضُو المطرْ خَتَّ البِرِشْ فوق راسُو لكِن المطر أوْوْوْوْ والهوَا وراسْ تمرة فوق عَقَشْ المسكينِة الجَرِيدْ رمَى دَنْدَهُوبا العدِّة فاتتْ بالبحرْ بِرِشْ الصلاة اللافْحُو الهوا وإبريقْ يثرثرْ بين كَررْ يا الله سِتَّها في السفر والضو ينط من دنْدَهُوبُو يا جاي مارق من دخول الغيث شرايين التراب السّايفَة.. أوردة الوطن قَشَرَه اليباب.. نَشَرَه العطش.. كُلَما سرت قطرات درب الرحمة في جوفو ارتعش.. بال الشدر حال العصافير الخياله مع الدغش مشدوه متل خاطِر طفل من ضُل ضهر راكُوبة فوق حافة حجر واقع سَحر.. واقف يعد نقط المطر ويتمطّق إحساس السحاب بين لهفة الطين والشمش لمّت وراء طَرَف الحُقاب أخر رمش باقِيله في عِب الشفق والليل ملقّيِله الطرف طَرَف الغسق. ... شفق المغيب.. قفا غيم بِهت كان نفضة الريشة الأخيرة حَمَاره فوق لُوحة الوكت.. يا كركَدَايةَ الله إترشق ناقع عصيره من إيد ملاك فوق المغارب بي تِحِت. كانت مراكيب حين صلاة والترعة قِدّامن طَشِت ولا المراكب من بعيد ودعات علي النيل والنخيل المتكِي دار يقرا البَخِت.. قنّب يحِت... قلّع زريزير غفوتو عضّ إنطلاقة غنوتو وقام منحفِت.. والكمبو ينشاف من مسافة قطر بضاعة العربجية الطيبين.. سبّابة والمتسببين.. شعراء ومغنين الأنادي.. أنصاص لصوص.. حلب البلد.. عرب الجبال.. منسللين من لا تحت. والريح يشيل للنيل من هرج المغنّين الدعايات نشرة أخبار الولايات..الوفيات الملايات..العبايات المرايات..التصاوير التعابير الحكايات النِكـــِت. عشم البنيات في الضراع الضاع وكت حرّ الكَفِت زاغ الصراع ذات جمعة قدّت من وطن توب السبت؟! نَقَد الحَمام خُرجَ الوكِت طارت لو نقطة لحظة من مية ملح في حلقو مرّرت الهديل.. كَمَد الجرح.. جَبَد السكات... لكنّو فات وأَبي يتلفت؟ ... بال الطفل يرقِل علي ضهر الحمار يجمع مصابيح السما التامنة.. ويطش ينكربَش الحلم البَعَد قرّب يوافينا..إبتعد.. لو مدّت إيد كان إنجبد.. يا الدنيا..! بي ريحة الدعاش لو تنعرش....؟ أو تنفرش تحت الفراشات بالبَرَد؟ فوقَو الوعَد صادق يمش. لو يلقي راس رسن الزمان ديك لحظة ما كانت تمش شان يندهش أو ينبرش بين نجمة الملكوت ونسمة رضية من رب العرش ... يا غادي منك فوت كلام الشوق من القلب الخشم بابو البلد لو خشّ هدهد في رماد ما فيهو يمرق قانقرد.. والقانقرد بابُو الحمام راجيهو لمليم الطيور.. ضمة جناح.. صمّة عدد.. قادرات علي صد الحِدَي جاسرات علي صقر النكد. إيدين بِنيات الفريق بتهدهد الطفل الرضيع بتعدّي شيخ دومة الحفير تشلَخ لَبَق.. تسقي الخدير بتعوس وتفرك للملاح بِتَوَرّقَ اللوبي وتحش.. تمسك مراح تَحَلِب..تخش تغسل هموم ايامه في طشت الحِلم تنفض..تَشُرّ الشوق هِدم تنشل من البئر أُم تلاتين باع تعَتّل.. تفزعَ الطيّانة لو ما تجدَع البّانة بتجيه بيوت تغزل خيوط بتطرّز المنديل تخيّت لي طواقي العيد صَبُر.. بتتبب السجاج مع الفجاج..تقوم إيدين بنيات الفريق بتحش تمر.. تخرت سبيط بتعتق الدكّاي.. وتخبز للصفاح بتكفي عيزومة وضيوف.. بتغنّي قيدومة وتطوف بتهني.. بتودي وتجيب بتحنّي.. بتدلّك حبيب بتولّد الأمّات.. تربي علي الصلاح.. زي ماب تضمّد للجراح إيدين بنيات الفريق إن داهم الحلاّل خطر قادرات علي شيل السلاح. ,, .. ,, يا..مناحته وبلاّله يا..رجع اللي راح يا ود عيون.. فِرحَن..بكَن تِرحَن يغطســِن في الدموع.. الدنيا عامرابك تظل وإن كان رحيلك فرتَكَه أو يا لسان نار الصراع لهليبه بعدك لو هكَع مين شالّو شيلة بلا اتكّأ؟ ... مع إنو صبرك..ما نفَد برشمتَ أو كبسَلتَ كيف؟؟ سِعة الوجود في ضيق لَحَد ؟ باغتنا ريح الفجعة ليل فَرنَب في جوفنا مَرَابَنات الصبر شات ســِعن الجَلَد صادنا الذهول.. زي التكنّو قٌبُل دا .. ما فارقنا زول بعد الرسول؟؟؟ ... ... واللاّ التقول أوّل قلوب في الدنيا يغشاها القدر بعَدِن تضيع منّو الدروب؟! تِنطَمبَج الساحات حريق يدغي الطريق المحتمِل كلّ الفريق سوقَر وراك يا جرحنا .. الكيف يندمل؟ ما بار وراك شهدَ الغُنا ونَحَل الحناجر ما هِمِل؟ صادر خلايا أبو الدَبُر صاقر حناياه نَمل..نمل ... ... وين ماشي.. يا نبض الرحيق سايب المشاعر ريق دقيق نهب المغنّين التِفِل ؟ غنواتن الورطانة أو لوطانة في الريد المَقَق حُترُب صفَق.. في طين ذِبل أوصاف علي جسد الحبيبة بَهَق..بَهَق تحت احتماله مَرَضرَضَة زي لعبة ما استهوت طفل !!!!!!! ... ... وين داجّي يا قمر الهنا الكرّمنا عند مغرب مَرَق سايب لياليك لي نجوم واقفات وجوم علي فَد رجِل؟! وفرع الغُنا الميّل هنا علي مين وراكَ.......حيتّكل ؟ والشيل تِقِل ؟ .... .... قَدر اليشيلو الشيلة في لكن ظروفن هل تفي ؟ تحتاج جماعة من الرجال الكنت ليها براك تقِلّ ! دارت قبيلة من الحبال الكان يقيله فَرد حبل... |
 | أرسل بواسطة: mahdi في 2009/11/13 |
 | أرسل بواسطة: mahdi في 2009/11/11 |
 | أرسل بواسطة: mahdi في 2009/11/10 |
 | أرسل بواسطة: mahdi في 2009/11/10 |
 | أرسل بواسطة: غـــــــــــــــــدار في 2009/11/01 |
يا ريتنى زى وهج الشعاع تمتد سحابات الغروب سر روعتو وزى قدر المسافر لمدن محهولة لما تضيع خطاوى البهجة فى همس الكتوم حبك صبح أشتات ظلال وأطلال خيال خرافات قصتو برحل عشان أنساك وأسيب الذكرى فى وجع الطريق وأمسح دموع شمس الهوى المصلوبة فى صمت الغروب وأمسح دموع قلبى التعب كان فى هواك يقدر يتوب ما كان عشم قلبى الحزين مترجى من عينيك حدود كان عندى فى سفر الأمل تلقى البودع ليك وعود والليلة يا قلبى اللى راح بروعة أشراق الورود مد الغروب المادى أيدو ضاعت أحلام الورود زى ما بموت وهج الشعاع |
 | أرسل بواسطة: ahmed al taj في 2009/11/01 |
باقة ورد تحية لكل محبي هذا العملاق يرحمه الله بقدر ما قدم للانسانية من صدق المشاعر و حلو الكلام |
 | أرسل بواسطة: mahdi في 2009/10/31 |
 | أرسل بواسطة: mahdi في 2009/10/31 |
إحساس بالأمل مدني يوسف النخلي أديني إحساس بالأمل .. مع كل رحلة شوق تطول .. وأدي الخطاوي الراجعة ليك .. في سكتك وهم الوصول .. ما الدنيا كلها إنتظار .. والإرتحال قدر الفصول .. الموجة تحلم بالضفاف .. والغيمة تحلم بالهطول .. راحل معاي ضي الأماني .. وذكرى للأيام هناك .. لحظات بتذخر بالمعاني .. وكيف أنسى تذكارات هواك .. تتخلل الغربة ونعاني .. ونصبر عشان نكسب رضاك .. ونغني لو زار الحنين .. يا ريتو كان سفراً معاك .. شايف مداينك في البعيد .. وبيناتنا ممدود الطريق .. كيف الخيول بدت الرحيل .. جوانا كم جرحك عميق .. جفت حدايق الروح وراك .. والزهرة عدمانة الرحيق .. أدينا إحساس بالندى .. في سكة الضنا والحريق .. وأدي الخطاوي الراجعة ليك .. في سكتك عشم الوصول .. |
 | أرسل بواسطة: mahdi في 2009/10/29 |
 | أرسل بواسطة: غـــــــــــــــــدار في 2009/10/27 |
معتوقة ومعتقة ومنعتقة نوافير إنتشى وحشمة وحمار العين تضحك كلما وقعت مصيبة تمشى على العجين و تلخبطو ترطن إذا جاها الحنين يا بت بيوت الهجعة كيف غبار شوارعك ماشى وين زقاق يعيش فى زقاق كتمة وظلمة وإنعتاق أنا فيك لامونى المساجين سكاتك منازل حلال الحرام سكاتك على حين أهش الحمام سكاتك عليك لما تصحى المسام سكاتك عليهم سكوت و السلام صوتك وقت قطع البحر قبال مراكب العمدة ضهر النيل عرف و الشمس فوق حبل الغيوم شرت جلاليب النعاس ناشف غرب مبلول شرق و المطرة زى شفع العيد تدخل غرف كل البيوت كلمة الجوع الشرح للأرض كيف تقرأ المرق وقبال يقع فوقك سقف إتنحنح الجالوص أمرق على مهلك مروق الحنة من ضفر لاعروس واصعد على مهلك صعود البذرة والروح والشموس مبنية مدن الخوف من طينة آخر الليل وانا فى سقالة الشوف قدح البصيرة تقيل فاتح زريبة الجوف تمرق تخش الخيل على كيفك كيف معلوف ضهر المظنة يشيل وانا ظنى ظنيتو للنيل غريق فى النيل و الليل ولافى بالو بيت ساكت يغنوا على القمر واجعنى فى البحر السكات سكتنى فى الوجع البحر يا بت صباح الطير وين البلد ركت ما عاد هواك يفتح فى الكتمة شباك النزيف وين تكيتك فى الغيمة شطيف النجوم ريف الجسد صدرك سبلوقة اللبن الخريف داسينى فيك نضر والأنبياء فاتوا والأنبياءء بين بين قاعدين فى ضل النار داسينى فيك نضر فى غفلة جو الكفار وطارت حمامة الغار لاقونى ناشف ومر ماذنب جاد الطار لو غنو بيهو شتر ما تخافى الله معاك وكل الملائكة سمر |
 | أرسل بواسطة: monem dirdeery في 2009/10/16 |
البعض نحبهم لكن لا نقترب منهم .............. فهم في البعد أحلى وهم في البعد أرقى .... وهم في البعد أغلى والبعض نحبهم ونسعى كي نقترب منهم ونتقاسم تفاصيل الحياة معهم ويؤلمنا الابتعاد عنهم ويصعب علينا تــــصور الحياة حين تخلو منهم.......... والبعض نحبهم ونتمنى أن نعيش حكاية جميله معهم ونفتعل الصدف لكي نلتقي بهم ونختلق الأسباب كي نراهم ونعيش في الخيال أكثر من الواقع معهم والبعض نحبهم لكن بيننا وبين أنفسنا فقط فنصمت برغـــــــــم الم الصمت فلا نجاهر بحبهم حتى لهم لان العوائق كثيرة والعواقب مخــــيفه ومن الأفضل لنا ولهم أن تبقى الأبواب بيننا وبينهم مغلقه... والبعض نحــــبهم فنملأ الأرض بحبهم ونحدث الدنيا عنهم ونثرثر بهم في كل الأوقات ونحــــــتاج إلى وجودهم ......كالماء ..... والهواء ونختنق في غيابهم أو الابتعاد عنهم والبعض نحبهم لأننا لا نجد سواهم وحاجتنا إلى الحب تدفعنا نحوهم فالأيام تمضـــــــــي والعمر ينقضي والزمن لا يقف ويرعبنا بأن نبقى بلا رفيق والبعض نحبهم لان مثلهم لا يستحق سوى الحب ولا نملك أمامهم سـوى أن نحب فنتعلم منهم أشياء جميله ونرمم معهم أشياء كثيرة ونعيد طلاء الحياة من جديد ونســــعى صادقين كي نمنحهم بعض السعادة والبعض نحبهم لكننا لا نجد صدى لهذا الحـــــب في قلوبهــم فننهار و ننكسر و نتخبط في حكايات فاشلة فلا نكرههم ولا ننساهم ولا نحب سواهم ونعود نبكيهم بعد كل محاوله فاشلة .. والبعض نحبهم .. .. ويبقى فقط أن يحبوننا.. .. مثلما نحبهم ........ |
 | أرسل بواسطة: محمد الصالح الزيادي ؛؛؛؛؛ في 2009/10/09 |
نُم هانئــــــــــــــــــــا اباسامر إنهم لا تعنيهم رسالتك الكونيه الخالده
وانت ترقد في رحلتك الابديه اصدقائك ومعجبينك يرثونك ويفتقدونك وانت الذي انتزعت من فسيفساء لوحاتهم ومعاناتهم رحيقا عرفت مملكتك الرائده ان تُجنِد لها زخما من العذابات الممتده في دواخلك والتي ساومتها واسكنتها انتظار للحظة شهيــــــــــــــــــــــــــــــــــــــــــق؛؛؛ ويرثيك اولهم صلاح حاج سعيد والبفيه تنتظر لك السلام يوم ولدت ويوم رحلت ؛؛ ماكنت قايل نفسي يوم أرثيك يا أصدق خليل أنا كنت بتخيّل أكون قبلك أسافر غنوة في الوتر الجميل زي ما عبرت معاك صروف زمن المسافة وجينا للى الحزن النبيل أنا كنت داير الدنيا تمهلنا ونغني الفرحة لى الزمن الخُرافي .. المستحيل **** ورحلت ما كان ده الأوان رحت وحرقت حشا الغنا خليتنا لى الزمن الهوان والإرتهان لى خيول زمان الشنشنة **** كل المطارات والمواني وشفع البلد الفتارى ... لسة بارين القطاري يسألوا الناس عن خبر زولاً مسطّر إسمو في قلوب العذارى وفى عيون كل المساكين ... الحيارى زول بيطلع من نفس طورية ضامة الطين تكابد طول نهارا زول بيسكن في عيون أطفال تأمّل ديمة يديها البشارة ياخي والله الفرقة حارة وفقدك أكبر من محيط الدنيا وأكوانها ... ومدارا **** طليتنا زي حلماً جميل فجأة في غفلة أنسرق أسطورة تحكي أماني جيل في حب غناك كان ليهو حق أديتو في الدنيا الأمل وريتو كيف في الحق يقيف من غير وجل أو إنبهار علمتو بى حس النغم إنو الكلام لازم يكون واضح كما شمس النهار صدقك ملاهو حماس .. يقين بالخير وبالحق .. والنضار والإفتخار إنو الحبيبة هي الأرض والتضحيات عشان عيونا هو الفرض والدنيا ورّاثا الصغار **** وعرفنا يازول قسوة الضنا والتعب والإرتحال في غفلة الزمن الصعب وقولة الوداع بالضبط والسفر الأبيد من غير رجوع أو غير متاع وبكت عليك كل الشوارع في المدينة ناحت عليك كل الفواصل ... في الغنيوات الرصينة وإنكتم نبض الغُنا جلل سواد حزنك سنا وإتوشح المنا بالضياع وكان بدري يازول الوداع لا سكة لى درب الرجوع بعدك أغ**** إلتياع مسكونة بالأسى .. والخشوع لكن بريقك ما خبا أبداً بريقك ماهو ضاع ساطع كما نور الشعاع **** منو قال هو فات زولاً وهب كل الحياة للأغنيات منو قال هو فات ما أظنو زيّك يقولوا فات يامن وهب كل الحياة للأغنيات يا من ترك في قلوبنا أنبل ذكريات يا من ترك أحلامو في كل الجهات وخلّد معاني الروعة بى كل الصفات ما أظنو زيّك يقولوا فات يامن وهب كل الحياة للأغنيات **** ورحلت ما كان الأوان رحت وحرقت حشا الغنا خليتنا لى زمن الهوان والإرتهان لى خيول حروف الشنشنة **** أمل الأغاني كلمات: مدني النخلي شرد الكلام مني وسكت حس الأغاني المُلهمه لبس النغم ثوب الحداد نزف المقاطع مؤلمة لمتنا بيك يمين ظروف في ليل رياحو ملتنا هم أنت الأخو وبرضو الصديق والبينا كان إحساس ودم للكل فتحت القلب دار ..ومزجت روحك بالنغم ياحليلو زمناً كان معاك يحليل جدارنا الأنهزم روح الرحابة الما بتضيق يا باهي يا دفق الرحيق شاقي الدروب الموحشة فارش عشم وترك طريق دايس علي الجرح الأليم في أحلك اللحظات رفيق ياحليلو أملاً كان معاك خلانا لى جرحاً عميق نجم الحروف المرهفة ضد الذبول والإنطفا لاكنو من بعدك رحل خلانا فات يا مصطفي ياحليلو شدواً كان معاك وأمل الأغاني الأنطفا **** ضرب الإبرة مدني النخلي ضرب الإبره .. فوق الإبره راسم زي وشم..فوق ساعدو كل مايقول قريب تعكس ظروفو .. تباعدو راكز ..في الزمن ماطر سماهو ورعدو فوق حدب الصبُر مترجي ..زولو الواعدو غنيلنا ..قول يازول بُعد السمافه براح من جرحك النزاف رسِّل .. غناك صداح نوِّر مداخل الليل بصبحك الفضاح شِد الوتر ..دندن وأفرد نداكَ.. وشاح طيور القمري.. ماغنت ولا لوّن مداك شادي حليل ولداً بشيل همّك شرّ غناهو في الوادي نده مطراً سحايبو ملت وشتت برقو عبّادي وليد الصابره ست الجيل رقد واقف قصاد النيل حبيباً جرحو فينا نزيف وفكراً فاتح التأويل مرق من بين ضفاير البنت حبيبتو اللونا.. كاكاوي نهارا شمالي .. كتـّاحه مناخاً جنوبي..غرباوي دخل شرق الحِلم حفيان سند ظهراً .. حناهو الهم حليلو الكان جميل النم حليلو .. البينّا خوة دم **** مرثية عبد العال السيد بسمع صدى صوتك مزامير في عشيات الشتا والريح سوافي وأطرق على بابك أواخر الليل وألاقيك إنت مافي وأنشد على بابك حزين "عز المزار" وكل السنين صارت منافي وأهتف وأناديك في سديم الليل يضيع حسي وهتافي قمراً وقف مستني تال الليل نهارات العصافير والقوافي رجع الصدى وحس الرياح مجنونة في الساحات تعربد وإنت مافي ..غابت نهاراتك ولكن لسة صوتك في العروق يا صاحبي ساكن لسة صوتك يسري في كل الأماكن "يا قمرة أقلبي السنسنه الحمرا وشوفي ليه ما جاء" لسع على أفق المدى ترجاك "صبية" جراحا نازفة لسة واقفة تسأل عليك مجلس صحابك في الليالي تسأل عناقيد الدوالي تسأل عليك عصفور مرق ينفض نعاس عينيهو من سهر الليالي يا صاحبي لسع جراح الفرقة صاحية وتر الغُنا المشدود ينوح يسأل عليك في كل ناحية كانت ليالي "الديم" فوانيس والعمر مغسول صبابة وكنا ما بشغلنا غير وتر الغُنا وحرف الكتابة يا صاحبي..يا ليتها الأيام تعود أنا في منافي العمر ضيعت الوعود يا صاحبي ..هطلت على قبرك سحابات الخزامى وناحت "على بابك" يمامة وشرقت شموس ترسم على باب النهارات إبتسامة **** رحيل اليوتوبيا مرثية الشاعر محمد طه القدال في هذي المدينة الفاضلة لبس الشعراء تيجان غار وهجوا مع النشيد .. والبوح وغنوا للغُربة المتلتة في الزمن المكان الروح وما بين الرماد والنار فضا الكلمات ومعناهم بيمرقوا من هطيل النوح ومغناهم يشقشق للحياة والموت يغرد للمدائن الفاضلة جواهم جزاير دوح قدر يوتوبي ترحل في مداين الناس ... مدينة يندلق حسك حداهم قطرة قطرة تعبي صوتك بى نداهم مشدود وتر صوتك ربابة مسنود عليك صوت الغلابة مفرود من الزمن المفتق والمرتق بالرتابة مولود مع الجدة المعتقة والمجرتقة بالرحابة ينسدل من شدوهِ أنشاد المزامير ينسمع في شجوهِ ترتيل الصحابة زمن يوتوبي ترحل في العتامير والمغاسل والغُنى المندلي من شطر السحابة من عنا الأطفال وأولاد المسادير السنينهم فوق جوازات العصافير الحنينهم بحة الليل الطنابير الحزينهم حزنه في الجوف المطامير نبلهُ يطلع زي شعاع لا ولولة لا شيل ندابة **** (يامطر عز الحريق) (كمّل الناقص وفرضو) (يامشاوير الطريق) شوفي لي حُّميد وأرضو يا بلد ليلك غريق طولو زي طولك .. وعرضو إن ضلامك حر طليق أو سلامك أهلو قِرضو آه من هذا السليق يشتري الراجل وعرضو الفرج باقيلي ضيق والصحاح العندي مرضو كم إديريجاً حليق شان يعيش بى دقنو برضو يا مدد قشة غريق )يامشاوير الطريق( )ياوليدات الفريق( لملموا الصابرين تعالوا )رقصوا البنوت أعرضوا( **** يا نخلة المقبول ظلالك وأصلة الشموس بى حريرة ومجدولة من طيب شمالك مروية في عز الجزيرة من همي همك سمالك كسر همومي الجبيرة لحن الوليد الرمالك مشرق يجبر كسيرة طينك مقالد رمالك تحتك مياهك خريرة شعرك جريدك حلالك نمة غُناه الضريرة غنوة بتقرب منالك رعشة جروفي الخضيرة غنوة حبيباً شكالك هجر البنية الأميرة عند الترابلة القبالك ضليلة صهد الهجيرة يا نخلة السلفاب جمالك في الناس غناوي المسيرة لوجيدك الفارع بكالك موّال دموعي العسيرة أو نيلك السالك أمالك جيهة المشاوير الحسيرة أو قلبك المفجوع دنالك روح الأناشيد المنيرة شيليلي عِب وأمليلي شالك من غناويهُ السميرة شدي من صوتك حبالك نشفي العرق الدميرة قولي للجنيات سوالك يا نخلة بس متكية مالك؟ بطنة سبايطك عضيرة؟ جدلة سبايبك ممالك محصورة في فد ضفيرة؟ ولا السلام البدالك سراب الأماني الكبيرة؟ لو صبري بيهدم جبالك شن تبقى غير عيني الهميرة؟ **** قدر يوتوبي ترحل ياصديق زمن يوتوبي ترحل في البريق والمدينة الفاضلة نامت في العتامة والعتامة تهاتي بالشعر الهيافة والشعر متغطي بالكلمة السلامة والسلام متداري في الولد الشليق والوليد مندسّي في الحرف القيافة والحروف الوردة تحلم بالرحيق والحلم يتجاوز المعنى الرهافة والمعاني تعاند الزمن الرحيل والزمن يوتوبي يرحل في السحيق والرحيل يوتوبي ترحل ياصديق؟ الرحيل الشفتو للناس العلامة الرحيل الشفتو للمتلك قيامة محمدالصالح m_elsaleh3000@hotmail.com ؛؛ــــــــــــ |
أسهل طريقة للبحث
 |
ابحث عن اصحاب تعرفهم من خلال دفتر العناوين في بريدك الالكتروني الخاص ابدأ في عملية البحث |
البحث عن مجموعات
منشئ مجموعة محبي مصطفى سيداحمد
 | الأسم: مرمر |
| الشبكة: السودان |
أخبار مجموعة محبي مصطفى سيداحمد
 | فريد العماسيب أضاف تعليق بتاريخ 2009-11-22 الساعة 11:38:06 |
| Nada Omer أضافت موضوعاً للمنتدى بتاريخ 2009-11-20 الساعة 07:05:51 |
| Nada Omer إنضمت للمجموعة بتاريخ 2009-11-19 الساعة 15:04:44 |
| muhand mohameed إنضم للمجموعة بتاريخ 2009-11-15 الساعة 07:35:43 |
| محمد الصالح الزيادي ؛؛؛؛؛ أضاف تعليق بتاريخ 2009-11-14 الساعة 11:25:41 |
| محمد الصالح الزيادي ؛؛؛؛؛ أضاف تعليق بتاريخ 2009-11-14 الساعة 11:19:41 |
| yassin gassim إنضم للمجموعة بتاريخ 2009-11-13 الساعة 20:12:47 |
| mahdi أضاف تعليق بتاريخ 2009-11-13 الساعة 16:22:37 |
| mahdi أضاف تعليق بتاريخ 2009-11-13 الساعة 15:14:30 |
| mahdi أضاف كليب بتاريخ 2009-11-13 الساعة 09:54:54 |
مدراء المجموعات
| محمد الصالح الزيادي ؛؛؛؛؛ |
| mahdi |
| مرمر |
| م.بتول |
اتصل بنا. أخبر صديقاً . الدعم الفني
الرئيسية.اصحاب.الكليبــات .زووم . مدونات مكتوب – مدونات عربية.
العاب .العاب بنات .الفراشة - عالم حواء .الحياة الزوجية .منتديات .
طيران - سفر .كورة .ابراج – حظك اليوم .اخبار .العاب فلاش .زواج - بنت الحلال .الأعضــاء
من نحن .أعلن معنا . إتفاقية الخدمة .خصوصية مكتوب .تعليمات تشغيل الموقع
الحقوق محفوظة © Maktoob.com Inc 2009
الرئيسية.اصحاب.الكليبــات .زووم . مدونات مكتوب – مدونات عربية.
العاب .العاب بنات .الفراشة - عالم حواء .الحياة الزوجية .منتديات .
طيران - سفر .كورة .ابراج – حظك اليوم .اخبار .العاب فلاش .زواج - بنت الحلال .الأعضــاء
من نحن .أعلن معنا . إتفاقية الخدمة .خصوصية مكتوب .تعليمات تشغيل الموقع
الحقوق محفوظة © Maktoob.com Inc 2009
