بواسطة : زعيم العرب بتاريخ 2008-03-19 23:02:33 فلسطيني ممنوع تعيش قالولك اسكت ما تحكيش انت خلقت للتلطيش للحواجز للمعابر للتفتيش ولك فلسطيني ممنوع تعيش فلسطيني ممنوع تثور و مش مسموح تكون مقهور اياك تطالب بحقك اوعك بيوم تشوف النور ممنوع تجدد هويه ممنوع تجدد بسبور فلسطيني و بدك تتعلم هاي الشغله ضد الدستور فلسطيني لازم تتألم من دون ما يشوفك دكتور فلسطيني ممنوع تتظلم و لا يطلع بجناحك ريش فلسطيني ممنوع تعيش فلسطيني بكل المطارات اسمك بالاحمر مكتوب و على شباك مصلحه الجوازات كتبوا علي جبينك مطلوب لازم تتوقف ساعات مذنب او مندون ذنوب و يتوجه الك اتهامات انت سبب كل الحروب كأنو بسببك الحق مات و العدل بارضك مسلوب و كأنك سبب النكسات و كل ازمات الشعوب و كأنو بسببك مجرم فات على القدس بلحظة الغروب و دبح صبيان و بنات و عجز على امرها مغلوب مع انو الحقيقه انا الي بالدنيا ضحيه عملتوني ماده للغنى و قضية للي ما عندو قضيه انا الي راسي ماإنحنى بوجه الريح القويه انا الي شعبي صمد في الضفه الغربيه اناالي شعبي انتفض و بحجر حارب دوريه و اليوم و بكره و للابد انا فلسطيني وبدي اعيش التوقيع---- الحزين الفلسطيني