بواسطة : أحمد بتاريخ 2008-03-31 11:20:05 اضراب عام فى كل مصر إتفقت كافه القوي الوطنية في مصر علي أن يكون يوم 6 إبريل يوم إضراب عام في مصر يوم 6 إبريل خليك قاعد في البيت أو شاركنا فى الميادين العامة أوعي تنـــــــــزل لكن شاركنا ماتروحشي الشغل ماتروحشي الجامعه ماتروحشي المدرسة ماتفتحشي المحل ماتفتحشي الصيدليه ماتروحشي القسم ماتروحشي المعسكر عايزين مرتبات تعيشنا عايزين نشتغل عايزين تعليم لأولدنا عايزين مواصلات أدمية عايزين مستشفيات تعالجنا عايزين دواء لأطفالنا عايزين قضاء منصف عايزين أمن وأمان عايزين حرية وكرامه عايزين شقق للعرسان مش عايزين رفع أسعار مش عايزين محسوبيه مش عايزين ظباط بلطجية مش عايزين تعذيب في الإقسام مش عايزين أتاوات مش عايزين فساد مش عايزين رشاوي مش عايزين إعتقالات مش عايزين تلفيق قضايا قول لأصاحبك مايروحوش الشغل همه كمان وخليهم يدخلوا الإضراب )حزب العمل المصري- حركة كفاية - الإخوان المسلمين - حزب الكرامه - حزب الوسط - حركة موظفي الضرائب العقاريه - عمال غزل المحلة - حركة إداريي وعمال القطاع التعليمي - نقابة المحامين - حركة أستاذه الجامعات( 6 أبريــــــــــــل ... أضراب عام في مصر سلمي أبعت رسايل لخمسة من أصحابك ولو كل واحد بعت لخمسة في ظرف يومين البلد كلها حتعرف بالموبايل بالأرضي بالأيميلات أو حتي رسايل عالشات في قنوات التليفزيون أنسخوا رسالتنا وأبعتوها تعليق على كل المقالات ألي بتقروها بيكوا وبينا البلد دي حتتغير إن شاء الله بعد السماع عن إضراب يوم 6 أبريل لسنة 2008 احنا عايزين الموضوع ده اطول من يوم يعني يبقى اسبوع ننقطع فيه عن شراء كل السلع الترفيهيه وليكن طعامنا اليومي هو الخبز ( العيش) مع اي نوع من البقول القليله أو الجبن الأبيض والبطاطس والبازنجان لمده اسبوع فقط المهم عندنا ان احنا نحسس الرأسماليين في البلد ان إحنا بدأنا نفوق الموضوع صعب مش سهل بس لو أتحقق صدقوني هيكون رد فعله أقوى إذن نمتنع عن شراء اللحوم بكل أنواعها نمتنع عن شراء البيض وعن باقي السلع الترفيهيه نمتنع عن شراء المشروبات الغازيه كل أنواع البسكويت والشيكولا بكل أنواعها نمتنع عن شراء الفاكهه والعصائر نمتنع عن شراء الجبن بكل أنواعها فيما عدا الجبن البيضاء كما ذكر في أول الرساله نمتنع عن شراء الملابس والأحذيه بكل أنواعها فليكن أسبوع بدون شراء يا جماعه الإضراب مش إضراب عن العمل هننزل نشتغل بس مش هنشتري هنتوقف عن كل أنواع الشراء يا جماعه حتى لو أنت مرتبك كويس وظروفك الماديه مستريحه لازم برده تشارك الناس اللي هتشارك في الاضراب علشان يتوقف الغلاء المستمر ده انا عارف الموضوع فعلا صعب ولكن تخيل نفسك ممعكش فلوس تشتري بيها حتي رغيف العيش تخيل نفسك ممعكش تأكل ولادك ممعكش فلوس لعلاجك يا جماعه مش هيحصلنا حاجه لو مشتريناش الحاجات ديه لمدة أسبوع مش هنموت بل بالعكس إن شاء الله هيكون ربنا معانا وياريت الناس متخزنش قبل الأسبوع علشان أنا عارف فيه ناس ممكن تملا الثلاجه قبلها بس ده كده بيضحك على نفسه وميعملش إضراب أحسن ياريت نحس بالفقير .. اللي مش قادر حتي على لؤمة العيش حاف أرجوك .. كون إيجابي لو سمحت انشر الرساله لأكبر عدد